م ن ت د ى ال ع ش ر ة

أشرقت بحضوركم الأنوار وعمت الفرحة ارجاء الدار، داركم لانها بكم تكون الدار

منتدى العشرة يتمنى لكم مقاما طيبا
م ن ت د ى ال ع ش ر ة

جمعية مغربية سوسيوثقافية 22 غشت 2007


جمر القوافي

شاطر

حفيظ المتوني
شاعر

الجنس : ذكر
عدد الرسائل : 15
العمر : 48
تاريخ التسجيل : 15/07/2010

جمر القوافي

مُساهمة من طرف حفيظ المتوني في الخميس 23 يونيو - 11:32

جــمــر الـقـوافـــــــي

إلى شمعة الحريه محمد البوعزيزي

اش تدير لقصيده
وبلاد العربان
عريانه
قدام العديان
ملحفه ب حصيده
وها النار قدات
شعلت ف عيدان الدات
ب قطره من الغاز
وراس وقيده
حط جمر لقوافي
على جراحي العديده
يمكن تبرا
هاد الدات المريضه


اش تدير لقصيده
والحاكم
ما حاكم حتى راسه
البارود تحته بالعرام
ويطلق النيران على ناسه
محزم ب لحقاد
مقوده وسواسه
وحليب لبلاد
ولحم لولاد
ودم لعباد
يقطر بين ضراسه
جانا ف سيفة نبي
ومعاه كتاب خضر
تيقناه وغنينا
تهنا وراه ومشينا
لقينا راسنا وسط قفز
سكته وحده وسهينا
بلي عندنا عقل
ف راس كيسخن
ويطلع ليه الخز
وفاش بغى يولي اله
يتحكم ف الما والخبز
وشعا للشمس
ف عينينا يغمز
وريح للربيع
عليه الشباب ينهز
خرج فبراير
من وسط خوته تاير
باغي للحق يفرز
الباطل من قديم ظاهر
والحق فوق منه مقلز
ربعين عام وهو يقزقز
قلل علينا لوقار
ربعين عام وهو يطزطز
حاسبنا ف زريبته غير بقار
الدنيا طلعت للقمره
وحنا باقيين ف قاع الحفره
الذل فينا ينغز


ملك كل شي
وحنا قلة الشي
فينا ترشي
وخيرنا فاميلته ليه تكنز
حاسب راسه
مالك لملوك
وهو محبوس ف قفز
رحل من صباحنا
خرج من جراحنا
مشي من فراحنا
بغينا نعيشو ف العز

اش تدير لقصيده
إلا كان الرايس
ما عنده راي ما عنده راس
ثلاتين عام
وهو على صباحنا جالس
ثلاتين عام
وهو على حلامنا ناعس
ثلاتين عام
وهو على سعدنا عافس
وملي عمرنا فم الكالاش ب الورد
و برحنا ب المحبه
على ما فينا من جهد
جاوبونا القناصه
ف الساحات ف كل بلاصا
الثقه المفقوده
ماتت ب اول رصاصه
والعالم كله يشهد
وتحركت قافلة الشهدا
وبدات تخضار شجرة الحياة
بعد ما كانت غير وتد
بدمهم تسقات
ولخبر عند لقبايل متد
كل حجره كل شجره
فوق لرض ليه ترفض
وهو ب جوج ريوس
واحد يقول ليه قبل
والثاني يقول ليه رفض
وضاعت لبلاد
وضاعو لولاد
فوق نفاسنا عجبه لقعاد
الله يلعنها قاعده
يبيع ويشري فينا
ويخوفهم من القاعده
رحل من صباحنا
خرج من جراحنا
مشي من فراحنا
ما بغينا يحكمنا قواد

اش تدير لقصيده
والسبع
اللي ضراته ضرسه مسوسه
نسى ظفار الديب الصهيوني
اللي ف حلقه مغروسه
مسلم ف الجولان
وشاد درعا محبوسه
وملي صاح عطر الحريه
ف الشام ف كل جنان
قال هاد الورود برانيه مدسوسه
حيث الشبيحه
ما شافوهم
ما شمو ليهم ريحه
طبق قانون الغاب
وبدات فيهم الدبيحه
بالدم فاض العاصي
ويجري تاير
يحرك الما الراقد
ف الغداير
تعرات المعاصي
اللي تجمعت
هدي ستين عام
حتى تسوس قصب لحلام
وصبحنا ف زمان الحريه
غير يتام
من دم الرجال
تسقات لعراصي
خرجت الجمعه
من تحت من فوق الصمعه
تعدات باب الحاره
حامله معاها لبشاره
ربيع خضر
صباح جميل
لا بعث فيه لا تقتيل
و دمشق ترجع ثاني للحضاره
رحل من صباحنا
خرج من جراحنا
مشي من فراحنا
حيث الشام ماشي اماره

اش تدير لقصيدة
وبلاد العربان
مصيده
ومصيده
الروح فيها سحابه
كتقلب على الجسده
والجسده تراب
وف التراب مقيده
كانت مقيده ف الكتاب
خاص تدير يدك ف لقصيده
خاص تتحرق هاد الحصيده
خاص يتحرث هاد التراب
خاص يتفتح هاد الباب
رحل من صباحنا
خرج من جراحنا
مشي من فراحنا
هدا قرن جديد
بغينا فيه حياة جديده
حفيظ المـ ـتوني

بنعيسى الحاجي
عضو نشيط
عضو نشيط

الجنس : ذكر
عدد الرسائل : 80
العمر : 65
تاريخ التسجيل : 08/09/2008

رد

مُساهمة من طرف بنعيسى الحاجي في الخميس 23 يونيو - 14:33

نص جميل ممتع ومعبر ، جولة قلم على متن قارب ليام بفضاء سوق الحياة
تحيتي الخالصة

حفيظ المتوني
شاعر

الجنس : ذكر
عدد الرسائل : 15
العمر : 48
تاريخ التسجيل : 15/07/2010

رد: جمر القوافي

مُساهمة من طرف حفيظ المتوني في الأحد 26 يونيو - 12:06

شكرا لك استادي الفاضل بنعيسى الحاجي انها بالفعل جولة الم في متلهف على بصيص امل الوجع يا صديقي يدمي الاقلام ايضا لدلك نكتب
مع تقديري واحترامي لمشاركتك لي لدة والم هدا النص
avatar
محمد بوبكر
عضو نشيط
عضو نشيط

الجنس : ذكر
عدد الرسائل : 176
العمر : 38
المكان : أزرو
الهوايات : الشعر الزجل الخواطر والقصص القصيرة
تاريخ التسجيل : 18/02/2009

بطاقة الشخصية
مدونة:

رد: جمر القوافي

مُساهمة من طرف محمد بوبكر في السبت 13 أغسطس - 20:11

الشاعر حفيظ المتوني
جميل ما قرأت لك هنا
تمكن ودراية واسعة
تبارك الله عليك
avatar
نورالدين الغفياني
وافد جديد
وافد جديد

الجنس : ذكر
عدد الرسائل : 22
العمر : 29
المكان : تازة
الهوايات : المسرح،الزجل،الشطرنج
تاريخ التسجيل : 22/03/2010

بطاقة الشخصية
مدونة:

رد: جمر القوافي

مُساهمة من طرف نورالدين الغفياني في الجمعة 6 أبريل - 18:39

نص زجلي متكامل ويتغلغل في جدور الواقع
دمت ودامت حمرية شامخة استادي

    الوقت/التاريخ الآن هو الأحد 17 ديسمبر - 21:58